ФК КУЛ генерација 2010 денес гостуваше кај тимот на ФК Работнички. На напреварот кој се одигра на нивниот терен во Градски Парк дојдовме до победа со резултат 6:2 (4:1), прикажувајќи одлична игра во поле.
Ние тргнавме агресивно и офанзивно на самиот почеток на оваа средба, тоа донесе наш посед и серија прилики. Отворивме преку Марио Стојчевски кој погоди за 1-0, веднаш по него Никифор Дамјаноски стрелаше за удвојување на предноста и поведовме со 2-0. Противникот успеа со погодок да ја преполови негативата и погоди за 2-1. Артан Љамалари веднаш ја врати позитивата од два гола, тој погоди одлично во мрежата на Работнички за 3-1. Конечните 4-1 со кои се замина на одмор ги постигна Јанкулоски Никола пред крајот на првиот период. Момците на КУЛ одиграа пркрасен прв дел и покажаа завидна фудбалска вештина.
Марио Стојчевски и Артан имаа големи прилики на почетокот од вториот дел да погодат за нас, истите шанси не ги искористивме. Противникот успеа да намали на 4-2 и да ја намали нашата предност. По одлична асисетенција на Стефан Ацковски топката дојде до Никифор Дамјаноски кој стрелаше за 5-2. Нашата офанзивна игра со нов погодок ја награди Донев Давид кој стрелаше за 6-2 по асистенција Димитар Ролевски. Ние и по овој момент имавме игра во поле и бевме подоминантен противник, сите момци добија шанса и сите ја оправдаа истата.