Денес беше извлечена ждрепката за натпреварите од 1/4 финалето во Купот на Македонија за млади категории.
Помладите пионери на Кул го добија својот противник, а тоа е екипата на Победа од Прилеп. Единствениот натпревар по кој ќе биде познат патникот во следната рунда ќе се одигра на „Цементарница“.
Екипата на Победа е дел од најсилната Супер лига. На четири одиграни кола има освоено 9 бодови. Во 1/8 финалето од Купот, Победа ја елиминира екипата на Ренова.
Сите двојки од 1/4 финалето во Купот за помлади пионери:
Академија Пандев – Брегалница
Шкендија – Куманово Еуроспорт
Вардар – Работнички
Кул – Победа
1/4 финалните дуели треба да се одиграат во текот на следната недела, а во текот на наредниве денови ќе го објавиме и официјалниот датум на натпреварот за нашиот тим.