После пауза од една година поради пандемијата со корона вирусот, фудбалскиот клуб Кул ќе земе учество на силен меѓународен турнир надвор од земјава.
Се работи за турнирот во Несебар (Бугарија), „Црно Море Куп Несебар 2021“кој ќе се одржи во месец јуни за повеќе генерации. На турнирот учество ќе земат голем број на екипи од неколку различни земји, како Македонија, Украина, Молдавија, Србија, како и домашните екипи од Бугарија.
Истиот минатата година не се одржа поради добро познатите причини, но затоа оваа година организаторите на турнирот најавуваат беспрекорна организација, квалитетни учесници, надигрување и секако дружба со екипи од различни земји.
Во наредниов период ќе дефинираме со кои генерации ќе настапи нашиот клуб на турнирот во Несебар.