Денес на Локомотива, нов пријателски натпревар одигра генерацијата 2007. Противник ни беше екипата на Шкупи, противник со кој одигравме квалитетен и борбен натпревар. Еден гол го реши победникот, истиот заврши во мрежата на чаирчани. Тренерот Никола Карчев им даде шанса за настап на сите играчи, кои денес дадоа максимум и имаа придонес во добрата игра на нашиот тим. Создадовме уште неколку шанси, игравме поврзано со добри акции и на крајот заслужено триумфиравме.

Погледнете неколку фотографии од утринскиот дуел кај генерација 2007, додека целосната галерија ќе биде достапна во наредниве денови.