Претстојниов викенд стартува новата етапа во женскиот фудбал за екипата на Истатов Кул, која ќе го има својот прв натпревар во рамките на првата женска фудбалска лига. Избраничките на Кирил Изов ќе гостуваат кај екипата на АСС Унитед, се работи за противник кој минатата сезона играше во големото финале на Купот против екипата на Саса.
Од претходно е познато дека Истатов Кул влегува во новата сезона со амбиции за што повисок пласман на крајот од сезоната во најсилната женска лига во Македонија. Екипата во летниот период ја засилија неколку репрезентативки кои со искуството од настапот во националниот дрес треба да го подигнат нивото на игра, но и да претставуваат дополнителен поттик за останатите континуирано да се надоградуваат и на теренот да функционираат како една целина. Девојките имаа можност доволно добро да се запознаат во подготвителениот период во кој одигравме и неколку контролни натпревари, на кои резултатите не беа во преден план, сепак се воигруваше екипата и се темпираше формата пред предизвиците кои следуваат.
Во пресрет на првиот натпревар, направивме интервју со шефот на стручниот штаб, Кирил Изов, кој инаку е и актуелен селектор на А репрезентацијата на Македонија. Какви се целите и очекувањата на предводникот на Истатов Кул, кој напомена дека неговиот тим ќе оди на секој натпревар на позитивен резултат, без оглед на противникот, Истатов Кул нема да се плаши од никого. Во продолжение интервјуто со тренерот на екипата, Кирил Изов.
-Како што и самите споменавте, оваа нова фудбалска приказна, односно спојувањето на двата клуба ЖФК Истатов и Кул како идеја се роди пред една година, ова лето истата се претвори во реалност и се надевам и верувам дека овој клуб ќе прерасне во стабилен и респектабилен прволигаш.
-Секако дека за секоја работа е потребно време, екипата веќе 1,5 месец работи заедно, имаме одлична атмосфера и услови за работа, полека се склопуваат коцките и верувам дека добрата и професионална работа ќе даде резултати и порано од предвидената проекција.
-Со оглед на тоа што на подготвителните натпревари резултатот беше во втор план, односно главната цел беше да се работи на физичката и тактичко техничката подготовка на фудбалерките, задоволен сум од текот на подготовките и залагањето на играчите, но тука не застануваме, мораме континуирано да работиме низ текот на целата сезона како би ги подобриле перформансите на девојките, а со тоа и на целата екипа која исто така би сакал да истакнам дека е многу млада и има голема перпектива.
-Кога дојдов на позицијата Селектор на сениорската репрезентација истата беше на самото дно во Европа, но сека после неколку години можам да кажам дека работите се променети, одиме на подобро, дојдоа и победите и нормално со тоа и придвижување нагоре на УЕФА ранг листата. Сепак има уште многу работа, треба сите заедно уште посилно да работиме за напредок не само на сениорската репрезентација,туку и на целокупниот женски фудбал во Македонија. Исто така,треба да се работи на инфраструктурата, на негова што поголема популаризација и афирмација и понатамошен негов развој.
-Па со оглед на тоа што Цементарница веќе е база и на Сениорската Женска репрезентација,самото по себе кажува за тоа какви услови нуди и колку е инвестирано во целиот објект од страна на г-динот Рацо Цветановски,и навистина се ретки луѓето како него во ова денешно време кои вложуваат во спортот и инфраструктурата. Ние како клуб имаме одлични услови за работа на Цементарница и на нејзините придружни објекти, а исто така,на располагање ни е и Спортскиот центар Истатов во Дојран за зимски и летни подготовки,така да како клуб можеме слободно да се пофалиме дека ги имаме најдобрите услови за работа во Македонија.
-Како човек кој добро го познава женскиот фудбал во Македонија, добро ја познавам и екипата на АСС Унитед од Струга со која морам да кажам сме големи ривали,но и големи спортски пријатели, и нормално дека следствено на тоа и се подготвуваме за тоа условно кажано ,,деби“,во ПЖФЛ од кое нормално очекуваме добар резултат и освојување на првите три бода.
-Иако од страна на раководството на клубот немаме некој притисок во оваа прва сезона за вмешување во борбата за шампионската титула,сепак квалитетот на играчкиот состав ветува дека Истатов Кул нема да игра епизодна улога во првата сезона во ПЖФЛ, и со самото тоа ние на секој натпревар ќе влегуваме со цел освојување на целиот плен. Ги респектираме сите екипи, но од никого не се плашиме и јас како предводник на овој тим се надевам и верувам дека ќе имаме добра и успешна сезона.
-По завршувањето на Квалификацискиот циклус следи анализа на постигнато, го повторивме успехот од минатите Квалификации со освојување на 6 бода, што порано не било случај, но сепак сметам дека оваа репрезентација има уште поголем потенцијал и силно верувам дека во наредниот циклус Квалификации за ЕУРО ке можеме да се пофалиме и со двоцифрен број на освоени бодови. Исто така, морам овде да ја споменам и ФФМ која ни овозможува одлични услови за работа кои се неопходни за да една репрезентација се развива и ги прати останатите на Балканот и во Европа.
-Сметам дека неколку екипи ќе се борат за титулата, како најголеми фаворити би ги споменал Љуботен и Каменица Саса, тука е и Тиверија, и секако Истатов Кул кој со квалитетот што го поседува може да се носи рамноправно со погоре споменатите екипи.