Генерацијата 2012 го освои 3.место на младинскиот меѓународен турнир во Војдовина (Србија). На турнирот учество земаа вкупно 12 екипи, а избраниците на Мики Тодоровски на крајот го освоија бронзениот медал.

Турнирот го отворивме со натпревар против екипата на Дунав, кој го добивме со резултат 3:2. Во рамките на 2.коло за противник го имавме тимот на Подунавац, ефикасен натпревар кој заврши со голем резултатски пресврт во наша корист. Иако противникот имаше водство од 0:3, на крајот нашите млади надежи се радуваа на победата со конечни 5:3. Со овие две победи, обезбедивме пласман во 1/4 финалето на овој турнир.

Таму, повторно за противник ја имавме екипата на Подунавац и повторно остваривме победа, овој пат со резултат 2:0. Во рамките на полуфиналето се сретнавме со екипата на ГДМ, од која бевме поразен со резултат 2:3. Иако имавме негатива од 0:2, сепак се вративме во натпреварот, израмнувајќи на 2:2, но противникот сепак на крајот успеа да слави, инаку оваа екипа и го освои турнирот.

Во борбата за 3.место избраниците на Мики Тодоровски беа подобри од екипата на Олимпик Белград, тука триумфиравме убедливо со резултат 5:0.

За најдобар стрелец на турнирот беше прогласен нашиот играч, Давор Бошковски. Честитки до оваа генерација за освоената бронза, денес имаа напорен ден одигрувајќи пет натпревари.