Втора последователна победа за екипата на ЖФК Истатов Кул. Денес на Цементарница, на натпревар од 15.коло во првата женска фудбалска лига, нашиот тим убедливо со резултат 8:0 го победи тимот на Борец.

Тренерот Изов стартуваше со следниве 11-сетмина; Тина Туџарска, Севим Илјаз, Ана Нешковска, Ива Здравеска, Симона Меијер, Љубица Асановиќ, Јована Вучичевиќ, Радица Чонева (К), Сузана Бошковска, Александра Јовановска и Кристина Петрушевска.

Целосна доминација на нашите фудбалерки кои славеа заслужена победа, а голеадата ја најави во 23 минута капитенот на тимот, Радица Чонева која го отвори резултатот за 1:0. Пред да го зголемиме резултатот свои обиди имаа Нешковска, Меијер и Чонева, додека предноста на 2:0 беше зголемена во 40 минута кога мрежата на Борец по втор пат ја затресе Чонева. Во 43 минута избраничките на Изов имаа и водство од 3:0 со голот на Кристина Петрушевска.

Продолжи нашата офанзивна игра и во вториот дел од натпреварот која беше наградена со уште пет голови во мрежата на велешанки. Истите беа дело на Јована Вучичевиќ, Ема Нановска, Кристина Петрушевска и два нови погодоци за Чонева, за конечни 8:0.