Денес ќе се потсетиме на уште еден интересен натпревар за нашиот фудбалски клуб. Се работи за дуел од 1/8 финалето на Купот на Македонија, кој го одиграа помладите петлиња на Кул, против екипата на Пелистер.
Патникот во следната рунда беше решен само после одигрување на еден дуел, а истиот се одигра на теренот на Цементарница, на кој славеа нашите млади надежи со резултатски пресврт.
Битолчани имаа активен резултат од 0:1, се до 76 минута од дуелот, кога нашиот тим успеа за само две минути да направи целосен резултатски пресврт и да го елиминира противникот.
Всушност се играа последните четири минути од овој натпревар, кога Кул најпрво од белата точка со голот на Тео Давковски израмни на 1:1, откако претходно играч на Пелистер играше со рака, за во 78 минута, со авто гол, на противнички играч, да поведеме и со 2:1, што беше и конечен резултат на овој интересен натпревар. На вториот гол претходеше нафрлена топка и центар шут од левата страна на Трпевски, топката одеше во противничкиот шеснаесетник, таму еден гостински играч со желба да ја исфрли топката, ја смести во својот гол, а во дуел беше со нашиот Стефановски.
На тој меч бевме предводени од Ѓорѓија Нешовски кој се одлучи за следниве 11-сетмина: Хаџиќ, Лазовски, Цветков, Давковски (К), Михов, Мицевски, Михајловски, Стојановски, Давитов, Трпевски и Бошнаков.
Шанса за игра од клупата добија и Стефановски, Јовевски и Костовски.
На споменатиот натпревар настапивме и со неколку играчи кои се генерација 2007, што добива и на тежина овој пласман во осумте најдобри екипи во сезоната 2019/20, за помладите петлиња на Кул.
Головите од натпреварот можете да ги погледнете на следново видео.