Вчера, првиот контролен дуел го имаше ФК Кул генерација родени 2012 година. Момците на Мирослав Тодоровски гостуваа кај тимот на ФК Карев и остварија убедлива победа со резултат 8-0.
ФК Кул состав: Клео Горгиовски, Дамјан Тодоровски, Стефан Шиљковски, Михаил Динов, Стефан Николовски, Тамара Атанасовска и Давид Николов.
Ние доминиравме во сите аспекти на фудбалската игра, успеавме да отвориме со погодок за 1-0 преку Дамјан Тодоровски. Нашата добра игра ја наградија со голови Тамара Атанасовска и Давид Николов со чии погодоци успеавме да поведеме со убедливи 3-0. До крајот на првиот дел нашиот тим имаше уште еден погодок во мрежата на домаќинот на овој пријателски дуел, Шиљковски Стефан ги постави конечните 4-0, резултат со кој се замина на пауза.
Истиот играч кој со гол го „затвори“ првиот дел, погоди и во вториот период за „петарда“ односно за водство со 5-0. Со неговиот втор и трет гол на вчерашниот меч, Николов Давид зголеми на 7-0. Во вториот дел постигнавме идентичен број на голови како и во првиот, четири. За нашиот тим погодокот за конечните 8-0 го постигна Милан Дихов.