ФК КУЛ генерација 2010 имаше натпревар со тимот на Драчево на гостински терен, нашите момци одиграа дуел на кој имаа целосна „хегемонија“ победувајќи со високи 14-0 (8-0).

Првиот период го добивме со 8-0, имавме повеќе од поседот создававме дузина шанси, голем дел од нив беа крунисани со ефективни погодоци. Марио Стојчевски отвори со погодок за 1-0. Головите за нашите момци во овој прв период ги постигнаа тројца наши фудбалски надежи. Стојчевски погоди три пати колку и Огнен Јаков. Два голови зад своето име впиша Стефан Ацковски.

Вториот период беша налик на првиот, ние доминиравме и од минута во минута ја зголемувавме предноста над противникот. Победата дојде со резултат 14-0, односно погодивме уште шест пати. Тие беа дело на пет различни момци, два пати погоди Марио Стојчевски, по еден гол имаа: Никифор Дамјаноски, Давид Донев, Матеј Андреевски и Ацковски. Неколку интервенции во овој дел имаше на нашиот гол Крстевски Калин.