Вчера, на теренот во Ново Лисиче, екипата на ФК КУЛ генерација 2010 ја прослави победата над Гостивар. Момците на Маџароски триумфираа во еден меч во кој имаа повеќе од поседот и играта со резултат 4:1 (2:0).
Ние тргнавме офанзивно, со цел да го отвориме натпреварот со погодок. Релативно брзо успеавме во тоа, погодивме за 1-0 преку Огнен Јаков. Следеше период во кој ние доминиравме на теренот, барајќи удвојување на предноста. Ацковски Стефан беше таличен за одбраната на Гостивар и погоди за 2:0. Потоа промашивме неколку изгледни шанси за зголемување на предноста.
На нашиот гол Крстевски Младен имаше убава интервенција, по која дојде до ситна повреда и беше заменет со Калин Крстевски. Нововлезениот голман исто така забележа одбрана, па така со нивните одбрани успеавме да земинеме на одмор со „чиста мрежа“ и предност од 2-0.
Вториот дел започна со две прилики на сино-белите, нашиот ривал во првата погоди крај голот во втората прилика успешно интервенираше Калин Крстевски. Преполовена беше нашата предност по еден удар од дистанца, Гостивар намали на 2-1 и внесе неизвесност во натпреварот. Ацковски Стефан повторно имаше шанса за одележување и во овој период. Имаше прекршок за нас на 15-20.метри одкосо, топката ја зема Огнен Јаков, изведе прекрасен слободен удар и ја врати нашата предост од два гола, стрелајќи за 3-1.
Печат на победата стави Марио Стојчевски кој од десно погоди под гредата, истиот играч во вториот период, претходно ја погоди конструкцијата од голот на гостинот. Нашата победа дојде со резултат 4-1, со голот Стојчевски на неколку минути пред крајот.