Генерацијата 2010 на ФК КУЛ стигна до победа на вечерашниот контролен натпревар против екипата на Виктори. Дуелот кој се одигра во Балонот-ГУЦ во населбата Карпош 3 му припадна на нашиот тим кој славеше победа со резултат 5:3.
Избраниците на Владимир Маџароски набрзина на почетокот на натпреварот постигнаа два гола. Резултатот за 1:0 уште во првата минута од натпреварот го отвори Марко Атанасијевски, за водството од 2:0 да го зголемиме преку Борјан Андоновски. Следеше период во кој противничката екипа се врати во игра, со два погодоци го израмни резултатот на 2:2. Сепак до крајот на првото полувреме ја вративме предноста, во листата на стрелци се запиша и Матеј Стефановски, за резултат 3:2 по првиот дел.
Во второто полувреме продолжи борбената игра на двете стани и надмудрувањата. Со вториот гол на Борјан Андоновски ја вративме позитивата од два гола, за водство од 4:2, додека резултатот на 5:2 го зголеми Андреј Денковски. Во последните пет минути од дуелот, екипата на Виктори постигна гол за намалување на 5:3, резултат кој на крајот се покажа и како конечен. Неколку добри одбрани на овој натпревар имаше голманот, Калин Крстевски.
Честитки за двете екипи за прикажаната игра и убавиот натпревар.