Денес во балонот во Кисела Вода, генерацијата 2012 одигра контролен натпревар против екипата на Дрим Тим. Избраниците на Мики Тодоровски славеа убедлив триумф кој беше изразен со резултат 18:0.
Одличен натпревар за нашите момчиња кои прикажаа допадлив фудбал, а нашиот тренер шанса за игра им даде на сите играчи кои максимално ја оправдаа довербата на теренот.
По првото полувреме имавме високо водство од 9:0, а уште во првата минута успеавме да го отвориме резултатот со голот на Михаил Динов за 1:0. Следеа брзи погодоци на Стефан Шиљковски за 2:0 и на Стефан Николовски за водство од 3:0. Едноставно доминиравме на теренот, а шансите се редеа пред голот на Дрим Тим. Следен кој се запиша во листата на стрелци беше Давид Николов кој погоди за 4:0, а со вториот гол на Стефан Шиљковски поведовме и со 5:0.
Продолжи голеадата на нашите момчиња, два последователни голови постигна Михаил Динов за зголемување на резултатот на 7:0. Калин Спиров беше следен кој ја погоди противничката мрежа за предност од 8:0, додека резултатот 9:0 на полувреме ги постави Давид Николов.
Стефан Николовски беше играчот кој ги постигна првите два гола во вториот дел, кој му донесе предност на Кул од 11:0. Следеше хет-трик на Михаил Динов за зголемување на 12:0, додека со двата гола на Давид Николов поведовме и со 14:0. До крајот на натпреварот два гола постигна Михаил Динов, додека по еден Дамјан Тодоровски и Ангел Симоновски за конечни 18:0 на овој пријателски дуел.