Генерацијата 2006 на ФК КУЛ попладнево во Ѓорче одигра пријателски натпревар со екипата на Македонија Ѓ.П. Подобар беше домашниот тим, кој славеше победа со резултат 4:2.
На натпревар на кој противникот ги искористи своите шанси, наспроти нас, кој имавме неколку добри прилики, на крајот поразот дојде со два гола разлика.
По првото полувреме резултатот беше 3:1. Екипата на Македонија Ѓ.П поведе со високи 3:0, период во кој имавме ние шанси преку Олег Трифуновски и Антони Динов, кои останаа неискористени. Голот за намалување на 3:1 го постигна Олег Трифуновски.
Во вториот дел видовме по еден гол на двете страни. Најпрво противникот го зголеми резултатот на 4:1, додека конечните 4:2 ги постави Дамјан Спасовски. Голема шанса во овој дел од натпреварот имавме преку Константино Горгиовски кој од слободен удар ја погоди пречката од противничкиот гол.
Тренерот Божиноски стартуваше со следниве 11-сетмина: Ѓорѓиевски, Михов, Трпевски, Јовевски, Стојановски, Горгиовски, Михајловски, Душкоски, Динов, Блажовски и Трифуновски.
Играа уште и Лазовски, Меијер, Спасовски, Костовски, Јовановски, Илиев и Василев.