Задоволство ни е да ви соопштиме дека две наши девојки се дел од зимскиот камп во Дојран на Македонската женска репрезентација до 15 години, која е предводена од Добре Димовски.
Се работи за Меланија Грозданова (2008) и Ане Велковска (2009) генерација. За Меланија ова е втора година како што е дел од оваа селекција на млади и надежни фудбалерки.
Ова е големо искуство за Меланија и Ане кои ќе имаат можност да се докажуваат и напредуваат, а ние како клуб сме горди што имаме вакви надежни играчи кои еден ден можат да заиграат и за сениорската национална репрезентација. Ние секогаш ќе бидеме нивна поддршка во остварување на целите.
Ваквите случувања ни даваат само поголем мотив и поттик за напорно да работиме и да докажеме дека сме на вистинскиот пат.