Денес продолживме со настапи на турнирот во Несебар, каде одигравме натпревари за пласман.

Генерацијата 2010 одигра два натпревари за пласман од 13-18 место. Најпрво утрово се сретнавме со екипата на Барса од Украина, натпревар кој заврши со почетниот резултат 0:0.

На вториот натпревар, момците на Мики Тодоровски стигнаа до победа против екипата на Атлетик од Украина. Конечниот резултат гласеше 4:2 во наша корист. Огнен Јаков беше играчот кој го отвори резултатот за 1:0, додека предноста на 2:0 ја зголеми Марио Стојчевски. Следеше втор погодок на Огнен Јаков за 3:0, за противникот во следниот период да постигне два гола во нашата мрежа и да намали на 3:2. Сепак, „печат“ на добрата игра за победа со резултат 4:2 со својот прв гол денес стави Давид Ночевски.

Генерацијата 2006 исто така имаше натпревар кој го загуби со резултат 3:0 од екипата на Хебар од Бугарија.

Активна беше и генерацијата 2008 која разигрува за пласман од 9-12 место на турнирот. Денес наш противник беше тимот на Зимбру од Молдавија. Одигравме добар натпревар на кој триумфиравме со резултат 2:1. Лео Мутовиќ и Ведран Арнаудов беа стрелци на головите за нашиот тим.