Денес нашиот клуб ги одигра последните натпревари на силниот меѓународен турнир во Несебар.
Прва која стартуваше беше генерацијата 2008 која одигра натпревар за пласман од 9-10.место. За противник го имавме тимот на Локомотив Софија од кој бевме поразени со резултат 2:1. Иако први го отворивме резултатот на 0:1 со голот на Ведран Арнаудов, за жал противникот во второто полувреме постигна два гола, за резултатски пресврт и конечни 2:1. На тој начин, генерацијата 2008 го освои 10. место на турнирот.
Активна беше и генерацијата 2010 која победи и турнирот го заврши на 13.место. Последен противник ни беше екипата на Хебар од Бугарија, која ја совладавме со резултат 2:0. Овој резултат беше актуелен и по финишот на првиот дел, стрелци на головите беа Огнен Јаков и Никифор Дамјаноски.
Генерацијата 2006 го загуби последниот натпревар во групата. Подобри од нас беше тимот на Доростол Силистра, кој славеше со резултат 4:1. Единствениот гол беше дело на Матеј Стојановски. Од вкупно шест екипи во оваа генерација, на крајот го заземавме 5.место.