Генерацијата 2008 предводена од Горан Тодоровски денес на Цементарница одигра пријателски натпревар со екипата на Шкупи. На натпревар на кој паднаа пет голови, нашиот состав славеше со резултат 3:2.

Тренерот Тодоровски шанса за настап на овој натпревар им даде на неколку играчи од генерација 2009 кои ја оправдаа довербата кај тренерот. Гледавме добар и цврст натпревар, со погодоци и шанси на двете страни. Кул беше екипата која успеа да го отвори резултатот со голот на Тале Костадиновски. Екипата на Шкупи успеа да врати, постигна погодок за израмнување на 1:1. До крајот на првото полувреме успеавме да ја вратиме предноста со голот на Теодор  Велковски, за резултат 2:1 со кој се замина на одмор.

Во второто полувреме во игра влегоа и играчите кои започнаа како резерви. Преку Арти Азизи нашиот тим го зголеми водството на 3:1, додека во последните дет минути од натпреварот гостинската екипа успеа да постигне гол и да намали на 3:2. Со овој резултат заврши и натпреварот.