Денес стартуваше детската фудбалска лига на терените на фудбалската федерација на Македонија. Својот прв натпревар го одигра генерацијата 2009 предводена од Марко Арсовски. Прв натпревар и веднаш победа за нашите млади надежи кои беа подобри од екипата на Шкупи. Конечниот резултат гласеше 5:2, додека на полувреме нашиот тим имаше водство од 2:0.

Игор Трпковски беше играчот кој го отвори резултатот за 1:0, додека со погодокот на Марко Стојаноски зголемивме на 2:0, резултат кој беше актуелен на полувреме. Игравме одлично на овој дуел и може да кажеме дека заслужено стигнавме до првата победа на отварањето на сезоната во Детската Лига. Бевме ефикасни и во второто полувреме, во кое успеавме да постигнеме уште три гола.

Со вториот гол на Марко Стојаноски зголемивме на 3:0, за во листата на стрелци да се запише и Јован Гиевски за водство од 4:0. Следеа два брзи гола на Шкупи за намалување на 4:2, додека во последната минута од натпреварот, Марио Николовски кој денес слави роденден ги постави конечните 5:2 на овој натпревар. Тренерот Арсовски им даде шанса за настап на сите играчи.

Честитки до нашите момчиња за победата.