Женската сениорска фудбалска репрезентација се наоѓа на подготовки во Дојран, за претстојните квалификациски натпревари за пласман на Светското Првенство кое во 2023 година ќе се одржи во Австралија и Нов Зеланд.
Дел од подготовките со националната репрезентација се и четири девојки кои настапуваат за ЖФК Истатов Кул. Се работи за Ана Милчевска, Бојана Петкова, Теодора Ѓоргиевска и Александра Јовановска. Селектор е нашиот тренер, Кирил Изов, додека дел од стручниот штаб е и Тања Крстовска.
На 1.септември во Скопје ќе ја пречекаме репрезентацијата на Летонија, додека на 6.септември во Виена ќе гостуваме на Австрија.