Денес, на стадионот „Цементарница“, ЖФК Истатов КУЛ беше домаќин на ЖФК Кочани, девојките на Кирил Изов на оваа средба дојдоа до убедлива победа со резултат 3-0 (2-0).

КУЛ: Крстеска Елена, Илјаз Севим , Петкова Катерина, Јовановска Александра , Асановиќ Љубица, Вучичевич Јована , Чонева Радица (к), Јаневска Драгана, Петкова Бојана, Петрушевска Кристина и Милчевска Ана.

Видовме три погодока на оваа средба во мрежата на тимот од Кочани, два погодока нашите девојки дадоа во првите 45.минути, а еден во вториот период на овој дуел од првата женска лига. Доминиравме на теренот со поседот, играта и тоа се преточи на резултатски план.

Поведовме со 1-0 во 13.минута, преку Петкова Катерина со чиј погодок ја отворивме средбата. Атакувавме на удвојување на предноста и осигурување на водството. Се играше 21.минута кога успеавме да поведеме со 2-0, за нашата екипа стрелаше, Јовановска Александра. Оваа предност ја зачувавме до крајот на првиот дел. На одмор заминавме со 2-0. Во вториот период успеавме да ја потврдиме победата на оваа средба, со погодокот на Чонева Радица во 74.минута зголемивме на 3-0, резултат кој подоцна се покажа како конечен.

Во игра во 59.минута кај нас беа уфрлени две девојки, станува збор за, Здравеска Ива и Колевска Драгана.

Следниот викенд следи гостување кај актуелниот шампионот, екипата на ЖФК  Љуботен во Тетово