Во наредниов период ќе направиме преглед на есенскиот дел за сите наши четири екипи кои се дел од најсилната Супер Лига. Генерацијата 2007 ја игра својата дебитантска сезона во најсилното натпреварување и можеме да истакнеме дека одиграа солидна полусезона, финишираа на осмото место  со 15 освоени бодови, но ако се земе предвид дека разликата со второпласираниот тим во лигата е само 5 бода, тоа значи дека нашите млади надежи и во пролетниот дел од сезоната можат да се борат за повисок пласман. Не започна баш најдобро сезоната за помладите пионери, но како одминуваше првенството стануваа се подобри, еден период влегоа и во серија од три победи, што им овозможи да напредуваат на табелата. Избраниците на Стојан Тодоровски освоија 15 бодови, имаа 5 победи и 6 порази и ниту еден нерешен резултат. Постигнавме 13 додека примивме 18 голови.

Сите постигнати резултати за помладите пионери во есенскиот дел од сезоната:

1 коло: Кул – Вардар  0:2

2 коло: Македонија Ѓ.П – Кул  4:0

3 коло: Кул – Шкупи  2:0

4 коло: Академија Пандев – Кул  4:0

5 коло: Кул – Пелистер  1:2

6 коло: Победа – Кул  1:3

7 коло: Кул – Брегалница  2:0

8 коло: Кул – Охрид  3:0

9 коло: Милано – Кул  3:0

10 коло: Кул – Шкендија  2:0

11 коло: Работнички – Кул  2:0

Тројца играчи успеаа да постигнат по три гола, додека вкупно шест играчи се запишаа во листата на стрелци:

1. Фисник Љамалари, Газменд Љамалари и Марко Стефановски -3
2. Леон Ангелески -2
3. Димитриј Карчев и Стефан Атанасовски -1

Оваа генерација на пролет ќе продолжи и со настапите во Купот, откако успеа во 1/8 финалето да го елиминира тимот на Работнички. На единствениот натпревар кој се одигра на Цементарница славеше Кул со резултат 2:0, со головите на Бојан Митров и Фисник Љамалари.