Пионерските екипи славеа на пријателските натпревари против Тетекс, кои денес се одиграа во Тетово.

Генерацијата 2006 славеше со пресврт, откако на полувреме имаше негатива од 1:0, затоа со подобра игра во вториот дел избраниците на Стојан Тодоровски постигнаа два гола во мрежата на Тетекс за победа со резултат 1:2. Стрелци на головите за нашата екипа беа Александар Спасевски и Стојанче Камчев.

КУЛ: Исајловски, Дамјан Спасовски, Петар Трајковски, Александар Спасeвски, Јован Михов, Илхан Имери, Петар Трпевски, Лука Наумовски, Никола Јовановски, Војо Стојановски и Стојанче Камчев.

До победа стигна и генерацијата 2007, која славеше со резултат 3:1. Одигравме квалитетен натпревар, на кој во листата на стрелци се запишаа Марко Стефаноски, Газменд Љамалари и Фисник Љамалари.

КУЛ: Даниел Исајловски, Јане Цветков, Никола Ангеловски, Димитриј Карчев, Гаврил Петаноски, Бојан Митов, Газменд Љамалари, Фисник Љамалари, Марко Стефаноски, Стефан Атанасовски и Лука Тасевски.

Тренерот Стојан Тодоровски имаше можност да испробува тактички замисли и да им даде шанса на сите играчи кои беа на располагање за овие натпревари. Од следниот викенд е предвиден старт на пролетниот дел во првенството.