Помалите петлиња на ФК КУЛ, генерација 2009 во рамки на 20.коло од Скопската Регионалната лига беа домаќини на Работнички. На оваа средба гостите дојдоа до три бода со резултат 0-2.
Кул: Георгиевски Божидар, Илијевски Андреј, Манев Матеј, Ивановски Матеј (К), Љубомировски Теодор, Крчаноски Петар, Стојановски Марко, Гиевски Јован, Стојановски Кирил, Дукоски Филип и Фидановски Матеј.
Првата половина од првиот дел мина во надигрување на двата тима пред се на средината на теренот. Имавме потоа повеќе посед од противникот, но по една нивна акција упатија опасен удар, најпрвин нашиот голман Георгиевски Божидар одлично одбрани и исфрли во поле, за жал до топката стигна противничкиот напаѓач кој стрелаше за предност на црвено-белите со резултат 0-1. По ова ние тргнавме во атак со цел да ја вратиме резултатската симетрија. Најголема шанса до крајот на првиот период имаше Дукоски Филип, сепак на одмор заминавме со минимална негатива од еден погодок.
Во вториот дел имавме повеќе од играта, создадовме три прилики за погодок кои не донесоа реми. Најпрвин од дистанца се обиде Дукоски Филип, потоа и капитенот Матеј Ивановски. Своја прилика имаше и нововлезениот Јорго Цаца, сепак и покрај залагањето не дојдовме до изедначување. Во последните минути гостинот погоди за конечните 0-2.